Dènye nouvèl parèt an premye.

Ale sou ocfl.net/storm pou resous ak enfòmasyon sou rekiperasyon apre tanpèt la. Swivi Sèvis Nasyonal Metewolojik pou dènye mizajou metewolojik yo.

To view the latest Orange County updates in English, visit ocfl.net/Helene.
Para ver las últimas actualizaciones en Español, visite ocfl.net/Helene-es.

MIZAJOU SOU HELENE – PWEN KLE POU SONJE 09/27/2024

ENFÒMASYON SOU REKIPERASYON APRE TANPÈT
Byen bonè maten an, ekip Sekou Ponpye Komin Oranj lan te fè pakou katye yo nan tout Komin lan pou evalye domaj. Yo te wè pyebwa ak fil kouran ki te tonbe nan plizyè zòn, yo pat jwenn okenn gwo domaj. Inondasyon yo te minim, epi pa te gen okenn gwo enpak estriktirèl. Lòt depatman Komin lan te rapòte rezilta similè, epi pa te gen gwo domaj.

Fil Kouran ki Tonbe:

• PA JANM manyen, apwoche, oswa kondwi sou fil kouran ki tonbe
• Konsidere tout fil kouran ki tonbe tankou yo te gen kouran nan yo
• Rele 9-1-1 pou ratpòte tout fil kouran ki tonbe

Pyebwa ki Tonbe

• Rele 3-1-1 oswa 407-836-3111 pou rapòte pyebwa ki tonbe nan Komin Oranj non-enkòpore a.

Sant Operasyon Ijans Komin Oranj lan redwi a Nivo 3 apati 3 p.m. Sa a se dènye aktyalite konsènan Siklòn Helene. Mèsi a tout rezidan Komin Oranj yo paske nou te rete prè anvan, pandan ak apre tanpèt la.

RANMASE FATRA
Kliyan ke yo pat vin ranmase fatra, resiklaj, dechè lakou, ak gwo atik yo ki abite nan Konte Orange non-enkòpore Jedi a, pral jwenn sèvis Samdi. Rezidan yo dwe mete tout fatra yo deyò bò twotwa a pa pita ke 6 a.m.

Etandone ka gen dechè lakou siplemantè ki te pwodwi akòz tanpèt la, nap raple rezidan yo ke koleksyon chak semèn pou dechè lakou ap limite a twa mèt kib (apeprè gwosè twa recho). Anplis de sa, chak bwat fatra, sachè, ak pake fatra dwe peze 60 liv oswa mwens, epi bout bwa yo dwe mezire twa pye nan longè oswa mwens epi byen mare yo ak fisèl.

Mizajou yo disponib sou entènèt nan www.ocfl.net/UtilitiesStormInfo.

RESTORE KOURAN
Konpayi elektrik atravè Komin lan ap restore kouran pou kay ak biznis ki te nan blakawout. Lè sa posib, rapòte blakawout elektrik yo bay founisè elektrik ou a nan Komin Oranj.

• Komisyon Sèvis Itilite Piblik Orlando (OUC) – 407-423-9018
• Duke Energy: 800-228-8485
• Sèvis Itilite Piblik Winter Park – 877-811-8700

EDE KOMIN YO
Sèvis Itilite Piblik: Yon ekipaj Sèvis nan Chan an ki gen 14 moun, enkli elektrisyen, mekanik, ak teknisyen, te kite maten an ak 13 dèlko pou ede zòn ki afekte nan nò Florid yo. Ekip la pral lokalize deyò Tallahassee epi yap ede avèk reparasyon estasyon ponp pou sèvis dlo ize kritik yo.

Sekou Ponpye: Yo te voye yon total de 25 pèsonèl Sekou Ponpye nan tout Florid la. Fòs Opreasyonèl 4 Rechèch ak Sekou Iben (USAR) Eta a, ki gen ladan plizyè ponpye Komin Oranj, te resevwa lòd pou deplwaye bonè maten an. Ekip la aktyèlman nan Komin Sarasota pou ede ak efò pou sekouri moun nan dlo ak evakyasyon.

Apati 10 a.m., abri Orange County yo fèmen kounye a.

MIZAJOU SOU KLIMA A

Avètisman pou Tanpèt Twopikal yo rete an vigè pou tout Ès Sant Florid la. Komin Oranj anba yon Siveyans Tònad jiska 8 pm aswè a. Siklòn Helene vini ak yon espas van ki trè vas. Gwo van se sa ki pi gwo enkyetid nan Santral Florid la, epi nan tan kap vini yo nou pral wè kondisyon yo ap deteryore.

Previzyon metewolojik yo prevwa:

• Van kap vante ant 25-35 kilomèt alè (rafal jiska 45-55 kilomèt alè)
• 1-2 pous lapli, men li ka plis nan kèk zòn

RANMASE FATRA

Nan moman sa a, ranmase fatra sou twotwa, dechè lakou, resiklaj, ak gwo atik yo ap rekòmanse vandredi 27 septanm 2024. Yon rapèl: pwiske sèvis ranmase fatra sou twotwa yo pat fèt pou jou jedi a, jou ratrapaj pou kliyan sa yo pral samdi 28 septanm 2024. Mizajou yo pral anonse sou entènèt nan www.ocfl.net/UtilitiesStormInfo.

BLAKAWOUT

Yo rapòte plizyè blakawout atravè Komin nan. Lè sa posib, rapòte blakawout elektrik yo bay founisè elektrik ou a nan Komin Oranj.

• Komisyon Sèvis Itilite Piblik Orlando (OUC): 407-423-9018
• Duke Energy: 800-228-8485
• Sèvis Itilite Piblik Winter Park: 877-811-8700

ABRI

Plis pase 80 rezidan aktyèlman abrite nan Komin Oranj. Ni abri pou Gran Piblik la ak de (2) abri pou Bezwen Espesyal yo, pwograme pou fèmen demen maten.

OUVETI

• Gouvènman Komin Oranj: ap rekòmanse operasyon regilye demen, vandredi 27 septanm 2024.
• Etablisman pou Dechè ak Transfè Komin Oranj: ap rekòmanse operasyon regilye demen, vandredi, 27 septanm, 2024, oswa lè kondisyon yo konvenab pou fè sa.
• Gouvènman Komin Oranj: ap rekòmanse operasyon regilye demen, vandredi 27 septanm 2024.
• Tribinal Nevyèm Awondisman Jidisyè Florid la: ap rekòmanse operasyon regilye demen, vandredi 27 septanm 2024.
• Otorite Transpò Santral Florid (LYNX): Sèvis otobis LYNX ap fonksyone jodi a, men yap siveye fòs van an avèk anpil atansyon. Si van an rive nan 35 kilomèt alè oswa pi fò, LYNX ap sispann sèvis yo, paske otobis yo pa ka opere an tout sekirite nan kondisyon sa yo.

EDE VWAZEN NOU YO

• Sèvis Itilite Piblik:Sèvis Itilite Piblik Komin Oranj planifye pou voye 14 manm pèsonèl, ki enkli elektrisyen, mekanisyen ak teknisyen, Tallahassee pou èd resipwòk demen maten.
• Sekou Ponpye: Fòs Operasyonèl 4, yon atout eta a ki espesyalize nan rechèch ak sekou, soutyen medikal, kominikasyon ak evalyasyon domaj, deja aktive epi yap tann misyon deplwaman yo.Inite MARC 5 Komin Oranj lan, ki etabli kominikasyon atravè yon gwo radyo pòtab pou ekip ijans yo kap opere nan yon zòn katastwòfik, deja deplwaye ale Ocala pou tann lòd deplwaman yo.

Daprè Sèvis Nasyonal Metewolojik, Komin Oranj anba yon Avètisman pou Tanpèt Twopikal. Gen menas tònad izole ki ka kòmanse osi bonè ke mèkredi swa. Yo prevwa komin lan pral konfwonte van ki gen fòs tanpèt twopikal osi bonè ke midi demen epi kondisyon yo pral deteryore pandan tout jounen jedi a.

Kondisyon Metewolojik:

• Van ap vante ant 25-30 kilomèt alè (rafal van an ka rive ant 45-55 kilomèt alè)
• Lapli ka tonbe ant 1-4 pous

Nou ankouraje rezidan yo pou fè preparasyon pou tanpèt la aswè a.

SAK SAB

Travo Piblik Komin Oranj ap kontinye ofri rezidan yo sak sab gratis kote yo ka vin pran pou tèt yo jiska 7 pm aswè a, an ka gen move tan. Pou moman sa a, yo gen tan distribye 13 000 sak sab. Andwa pou pran sak sab yo se:

• Barnett Park: 4801 W. Colonial Drive, Orlando, FL 32808
• Bithlo Community Park: 18501 Washington Avenue, Orlando, FL 32820
• Clarcona Horse Park: 3535 Damon Road, Apopka, FL 32703
• Downey Park: 10107 Flowers Avenue, Orlando, FL 32825
• Meadow Woods Rec Center: 1751 Rhode Island Woods Circle, Orlando, FL 32824
• West Orange Rec Center: 309 S West Crown Point Road, Winter Garden, FL 34787

RANMASE FATRA

Jedi 26 septanm, Sèvis piblik Komin Oranj pap ranmase fatra rezidansyèl, dechè lakou, resiklaj, ak gwo atik yo. Jou ratrapaj pou kliyan yo pral samdi 28 septanm. Pou plis enfòmasyon ak resous ki ajou yo, ale sou www.ocfl.net/UtilitiesStormInfo.

ABRI

Abri nan Komin Oranj yo ap louvri demen, Jedi, 26 septanm, a 7:30 am, pou moun ki bezwen evakye oswa chèche abri akoz Helene. Kat idantite pa obligatwa pou antre nan sant abri yo. Abri yo ka resevwa bèt domestik.

• Abri pou Gran Piblik la
  • Barnett Park: 4801 W. Colonial Drive, Orlando, FL 32808
• Abri pou Moun ki gen Bezwen Espesyal/Bezwen Medikal
  • West Orange Rec Center: 309 SW Crown Point Rd, Winter Garden, FL 34787
  • Goldenrod Rec Center: 4863 N Goldenrod Rd, Winter Park, FL 32792
  • Rezidan Komin Oranj ki gen Bezwen Espesyal/Abri Medikal, tanpri rele 3-1-1 oswa 407-836-3111.

LYNX pral ofri sèvis gratis pou mennen moun nan abri yo. Ale sou www.ocfl.net/shelters pou jwenn enfòmasyon enpòtan sou sa w ka pote avèk ou nan yon abri.

BLAKAWOUT

Lè sa posib, rapòte blakawout elektrik yo bay founisè elektrik ou a nan Komin Oranj.

• Komisyon Sèvis Itilite Piblik Orlando (OUC): 407-423-9018
• Duke Energy: 800-228-8485
• Sèvis Itilite Piblik Winter Park: 877-811-8700

LAK AK LETAN

• Orlo Vista: Letan yo te ponpe desann nan plizyè pye. Kontraktè Travo Piblik yo te konekte kat ponp mobil 12″pou dechaje liy yo epi aji kòm ponp backup.
• Big Sand Lake: Yo te retire sediman nan fen sistèm dechajman an nan kanal drenaj Valencia a. Sistèm Devèsman an pwòp e li san debri.

FÈMTI

• Gouvènman Komin Oranj: Biwo Komin yo ap fèmen jedi 26 septanm 2024.
• Lekòl Piblik Komin Oranj: Lekòl yo ap fèmen jedi 26 septanm 2024. Aktivite apre lekòl yo ap pran fin a 6 pm Mèkredi, 25 septanm 2024.
• Tribinal Nèvyèm Awondisman Jidisyè Florid la: Tout tribinal nan Nèvyèm Awondisman Jidisyè a ap fèmen jedi 26 septanm 2024.
• Mizajou sou Etablisman Jesyon Dechè Solid yo: Etablisman pou Dechè ak transfè Komin Oranj yo ap fèmen pou piblik la jedi 26 septanm 2024.
• SunRail: Fèmen jedi 26 septanm 2024.

Travo Piblik Komin Oranj ap ofri rezidan yo sak sab kote yo ka vin pran pou tèt yo anvan enpak potansyèl sistèm move tan aktyèl la ki tou pre Penensil Yucatan, ki prevwa pou fè wout li nan Gòlf Meksik nan 48 pwochen èdtan yo. Yap bay rezidan yo 10 sak sab vid pou yo plen nan pilye sab ki sou plas la. Tout rezidan yo dwe pote pwòp pèl yo pou yo ka plen sak sab yo. Moun ki gen bezwen espesyal ki bezwen èd pou plen sak sab yo dwe kontakte Komin Oranj nan 311,  rele 3-1-1 oswa 407-836-3111.

Orè Fonksyònman yo

• Madi 24 septanm 2024, 9 am rive 7 pm
• Mèkredi, 25 septanm 2024, 9 am a 7 pm

Andwa Sak sab yo ka fèmen pi bonè pase lè ki pwograme a daprè kondisyon metewolojik yo.

Andwa Sak Sab yo (Kat Jewografik)

• Barnett Park: 4801 W. Colonial Drive, Orlando, FL 32808
• Bithlo Community Park: 18501 Washington Avenue, Orlando, FL 32820
• Clarcona Horse Park: 3535 Damon Road, Apopka, FL 32703
• Downey Park: 10107 Flowers Avenue, Orlando, FL 32825
• Meadow Woods Recreation Center: 1751 Rhode Island Woods Circle, Orlando, FL 32824
• West Orange Recreation Center: 309 S West Crown Point Road, Winter Garden, FL 34787

Pou plis enfòmasyon sou preparasyon pou tanpèt la ak pou enskri pou Alèt OC, sistèm alèt ijans komin lan, ale sou www.ocfl.net/storm.